ستاررزاقی: راجع به شهدای حمله ی تروریستی حرم حضرت احمدابن موسی ...شاهچراغ... باب الحوائج اوغلی ایا سرور جهان اَهل نفاق ایلدی قلب جهانی قان سن شاهد اول گوزل حَرمینده گروه کین تیر جفایه ایتدیله زوّاریوی نشان وهّابیلر اَل آچدی بویوک بیر جنایته یوخدور توان کی شرحینی دل ایلسون بیان پوزدی حریم اقدَسیوین، حَصم حُرمتین رنگین اولوبدی قانیله اول پاک آستان اَسدیردی آفتین یِلین اشرا ظلمیله گللر ورق ورق داغیلوب سولدی گلستان اظهار رازه اهل وَلا اوردا جَمعیدی افسوس اولا کی دشمن دین ویرمدی امان هر کس یخیلدی بیر طرفه قانه غوطه ور اولدی حَرَم ده کربوبلا صحنه سی عیان آرواد، کیشی، اوشاق، بویوک اول صحن پاکید وقت نماز، حال دعاده ویروبله جان نام حسینی سسلدیلر جان ویرن زمان حتما او شاهه اولدولا عقباده میهمان صحن و رواقیده سوکیمی آخدی تازه قان سجاده قان و چادر و هم جانماز قان هر بی دفاع شخصه اَل آچماق هنر دگول محکوم خلقیدور اولا هر عصر و هر مکان اهل وَلانی گور نَییله قورخودور عَدو قوخماز ولایت اهلی ویروب چوخلی امتحان دشمن تلاش ایدور سالا ایرانه تَفرقه تا ایلیه جماعتینی سُست و ناتوان اسلامیان ایچینده گورَنمیله وَحدتی کفّاره بو عَمَل گلوری داغ کیمی گران دشمنلر ایستَمور گوره ایرانی مُقتَدر بو اقتدار، دشمنی ایلوبدی ناگران امّا بحول و قوّه ی حَق اُمّت بصیر دائم اولوبلا بیربیرینه یار مهربان فارس و بلوچ و کُرد و لُر و مردم عَرب سُنی و شیعه، تُرکمَن و آذری زبان دلدن، نظام و رهبر و ایرانه یار اولوب قویمازلا تا مرامه چاتا قوم بَد گمان باشسیز دگول، بو مملکتون واردی صاحبی سامان ویرور بو مملکته صاحب ازّمان حضرَتدّن ایستیروق کی دعا ایلیه ائوزی کفاّری تا ذلیل ایده خلّاق مهربان التماس دعا ..ستار رزّاقی ...آبان ۱۴۰۱