🍉چیلله اوچ ایل کرونا ملتی گئتدی زارا چیلله حسرت هامینی قویدی قوورقا نارا چیلله اولده مغول تک داراشیب ملتی قیردی وحشت ائلدی توکدی هامی شالوارا چیلله قوخدوق ییغیشاق بیر یئره هر کیمده ییغیشدی چکدی کرونا انگینه سوخدی گورا چیلله واخ واخ نه یامان گونلری سوودوق کی دیزل تک سربالادا دوشدوک هامیمیز تارتارا چیلله ایندی خیالون راحت اولوبدور کرونادن گل بورکووی آت دوت، تئلووی یان دارا چیلله آللاه برکت وئردی اونون نسلی کسیلدی دولدوق گینه ده قارقاکیمی قار قارا چیلله آی خان ننه آی خان بابا آی خان دایی سسله گلسین نوه لر ،صبحه جه گلسین زارا چیلله ائل طایفانی ییغ توک باشووا منقلی یاندیر غم غصه لری آت چوله قوی دوندارا چیلله کسدیگ گینه ده قارپیزیمیز چیخدی آغ آپ باغ اولدی اوزوموز دوسلاریمیزدان قارا چیلله دلخوشلیق ائله تک یئمگیلن اله گلمز بیر عده اوزون سالدی اضافه زورا چیلله بیچاره کاسیب بیر بیرینه گونلری قاتدی هاردان گلیب او بیلمدی گئتدی هارا چیلله بیر توربا توخوم چیتدادی صبحه کیمی قنبر وئردی اوره گی بویره گی از دم شورا چیلله آلمیشدی سئوینجک ایکی جوت بیر دنه پخله چیخدی اودا قوردلی دیلی اولدی یارا چیلله او پخلیه داد ویرمگ اوچون چاره سی یوخدی بیچاره گوزوندن توکجک آبغورا چیلله سربازدی ، پرستاردی گئجه گوندوز اویاقدی وار هاممیا چیلله ولی یوخ اونلارا چیلله بوندان قدیم اولمازدی بو اندازه اوزاقلیق چوخدور آرالار ساز دییل ازبس آرا چیلله تشریفات ائدیب ائولری مین درده گرفتار تشریفاتا بیر کیمسه تاپان یوخ چارا چیلله ایندی ائله ایشلر قاریشیب بیر قالین اعصاب ایستیر دوزه بو خرجه بئله خار خارا چیلله نفته دلارا باغلی اولوب ایندی تورم باخمازدیلا سابق دلارا دینارا چیلله لازمدی رعایت اولونا حق تقدم اول باهالیق سیخدی بو خلقی سورا چیلله سیمزر خالانین خرجی چوخ اولموشدی ناایللاج وئردی کئچن ایل مس قازانی سیمسارا چیلله یاز شعر و قصیده، بویونا اوخشا شهودی بلکه وئر خوش یوز بئله بیر اشعارا چیلله علی شهودی ۲۸آذرماه ۱۴۰۱ @man_enghelabiam57