ولادت شاهزاده علی اکبر  ع و@man_enghelabiam57 گریز به شهادتش گوستردی قدرتین گینه خلاق ماسوا ایستکلی سی حسینه ایدوب بیر اوغول عطا تا آچدی گوز بو عالمه دلبند شاه دین گنج ولاده پارلادی چون در پر بها اوز مقدمیله اون بیر شعباندا یثربی فردوس تک مزین ایدیبدور او مه لقا گللندی دودمان شهنشاه مشرقین گلزاره تازه دن بو گل آرتیردی خوش صفا بلبل فرحلنوبدی گلستان عشقیده ایلشدی گل کنارینه باشلوبدی خوش نوا شوق و شعف دوتوبدی مدینه دیارینی عشاقی بوشعف ایلدی غصه دن رها دلداده حسین علی اکبر آدلانوب هم نام اولوبدی جدینه اول معدن سخا لیلا تمام عالمه فخر ایتسه وار یری چون عالمه گتوردی علینی او باوفا اوز خلقتینده حضرت حق شاهکار ایدوب خلق ایلیوبدی اکبری مانند مصطفا هرکیم گوروبدی حسن دل آراسینی دیدی بو مه جمالی بیزلره لطف ایلیوب خدا بنزردی گل یوزی باباسی ختم مرسله هربیر گورن دییردی بو خلاقه شکر اولا حسنون چکن جمالینی از بس گوزل چکوب علت اودور اولوبدی احبایه دلربا دنیا گوزلری هاموسی جمع اولا اگر چاتماز او گل عذاره گوزلیقدا مطلقا یوسف اگر جمال دل آراسینی گورا دلدن دییر او جلوه زیبایه مرحبا زلف  سیاه و دیده شهلاسینی گورن سویلوب او خط وخال واو شهلا گوزه فدا حین تولدونده آتاسی اوپوب یوزون دلشاد اولوب بالاسینی گورجک اومقتدا بیر دسته گل کیمی آلوب آغوشه اوغلونی هی اوپدی هی نوازش ایدوب پور مرتضا اما منای عشقیده اول شهریار عشق تا گوردی اکبرین اوجادان چکدی بیر صدا بیر حالیده گوروبدی اوشه نور دیده سین بولدی نه ظلم ایدوبدی اونا فرقه دغا ایلشدی قانلی باشینی آلدی دیز اوستونه گوردی ووروبلا جسمینه باشدان باشا یارا بیر نچه دفعه سسلدی گلموبدی بیر جواب بولدی یقین کی روحی اولوب عازم بقا آهسته خم قیلوبدی قدین اول غریب امام قویدی یوزون اوقانلی یوزه بلکه کام آلا هی سسلنوردی ای گوزومون نوری آچ گوزون سنسیز اوغول گوروم اولا بو عالمی فنا جسمینده چوخدی یاره سنی حالیدن سالوب یوخدور الیمده چاره ایدم دردیوه دوا دور حمل ایدیم خیامه بو صد پاره پیکرون بلکه بیبون بو یاره لره بیر دوا سالا .رزاقی. بسدی باغلا مصیبت مقالینی خرم دی چون بوگونده هامی اهل ماسوا بایرامدی ایسته اکبر شهزاده بیزلری تا ایلیه بو تیزلیقا زوار کربلا التماس دعا ستار رزاقی